આવીશું તો ખરા પણ ભાર જરાય દઈશું નહિ
અમથા અમથા સાવ તમનેય હેરાન કરીશું નહિ
શા માટે આમ રસ્તો
રોકો છો અમારો ?
ભર બજારે આમ ક્યાં અમને ટોકો છો ?
ચાલો, આવો બેસીએ અહીં ઘડી બે ઘડી...
વાતો કરીએ અતીતની તોડી હોઠની બેડી !
લઈ હાથમાં હાથ એકમેકને આમ મળીએ
જો મળે શ્વાસ ને ભાવ બેયનો આપસમાં
તો સરજાય સંગમ અનોખો આ હથેળીમાં !
આવો, અહી પકડીએ આ નમણી નાજુક ડાળને
પણ જોજો સાવ અડી ન જતાં આ લજામણીને
સંબંધો છે સાવ એવા જ ઋજું જો જો વિલાય ના !
No comments:
Post a Comment